سڈنی (آئی این پی)بھارتی کرکٹر ویرات کوہلی اور بالی ووڈ اداکارہ انوشکا شرما کو آسٹریلیا کے ایڈیلیڈ ، اوول کرکٹ گراونڈ میں شادی کی پیشکش کی گئی ہے۔اس گرائونڈ پر ویرات کوہلی نے ہرفارمیٹ کی کرکٹ میں 8اننگز کھیل کر 89کی اوسط سے 624رنز بنائے ہیں۔بھارتی میڈیا کے مطابق کوہلی اور انوشکا کی شادی کی تقریب رواں ماہ کے آخر میں اٹلی میں منعقد کیے جانے کے بعداسٹیڈیم انتظامیہ نے ایڈیلیڈ کرکٹ گراونڈ میںشادی کی

پیشکش کی ہے۔گرائونڈ کے چیف ایگزیکٹو آفیسر اینڈریو ڈینیلزنے بھارتی اخبار کو انٹرویوکے دوران تقریب کی میزبانی میں دلچسپی ظاہر کی اور کہا ہے کہ شادی کی میزبانی ہمارے لئے خوشی کا باعث ہوگی اور اس گراونڈ سے کوہلی کی مزید خوشگوار یادیں جڑیں گی۔بھارتی اخبار کے مطابق ڈینیلز نے یقین دہانی کرائی ہے کہ اگر وہ اسٹیڈیم کا انتخاب کرتے ہیں تو اْن کی شادی کی تقریب یادگار ہوگی۔