لاہور(آئی این پی)پاکستان کر کٹ بورڈ(پی سی بی)نے انڈر 19ورلڈ کپ کیلئے15رکنی قومی ٹیم کا اعلان کردیا گیا ہے جس کے لیے حسان خان کپتان ہوں گے، قومی جونیئرز کر کٹرز کا تربیتی کیمپ(کل)جمعرات سے نیشنل کرکٹ اکیڈمی لاہور میں لگایا جائے گا،قومی انڈر 19ٹیم میگا ایونٹ سے قبل آسٹریلیا کے خلاف3 اور نیوزی لینڈ میں2میچز بھی کھیلے گی۔
تفصیلات کے مطابق پی سی بی نے جونیئر ورلڈ کپ کے لیے 15 رکنی قومی انڈر 19 ٹیم کا اعلان کر دیا ہے، حسان خان قومی ٹیم کی قیادت کریں گے، گرین شرٹس میگا ایونٹ سے قبل آسٹریلیا اور نیوزی لینڈ کے خلاف میچز کھیلیں گے۔ منتخب کھلاڑیوں میں محسن خان، عمران شاہ، زید عالم، روحیل نذیر، محمد طحہ، عماد عالم، علی زریاب، سعد خان، کپتان حسان خان، موسی خان، شاہین شاہ، منیر ریاض، ارشد اقبال، محمد علی، سلیمان شفقات شامل ہیں۔ ریزو پلیئرز میں محمد جنید،
حیدر علی، محمد الیاس، اعظم خان، مختار احمد کو جگہ ملی ہے۔انڈر 19 ٹیم ورلڈ کپ سے قبل آسٹریلیا کے خلاف 3 میچز کی سیریز کھیلے گی، پہلا میچ 27 دسمبر، دوسرا 29 جب کہ تیسرا میچ 31 دسمبر کو کھیلے گی۔ نیوزی لینڈ میں 3 اور 5 جنوری کو میزبان ٹیم کے ساتھ 2 میچز بھی شیڈول کیے گئے ہیں۔واضح رہے کہ انڈر 19 ورلڈ کپ کا آغاز 13 جنوری سے نیوزی لینڈ میں ہوگا، قومی جونیئرز کا تربیتی کیمپ 7 دسمبر سے نیشنل کرکٹ اکیڈمی لاہور میں لگایا جائے گا۔
