اسلام آباد (مانیٹرنگ ڈیسک) تمنا بھاٹیہ کے ساتھ ملاقات ایک تقریب کے دوران ہوئی، جیولری شاپ کی افتتاحی تقریب میں ہم دونوں مہمان تھے ، تقریب کے منتظمین کی جانب سے دئیے جانے والے پروگرام کے مطابق دونوں کا فوٹو شوٹ ہوا، معروف بھارتی خوبرو اداکارہ کے ساتھ انٹرنیٹ پر وائرل ہونیوالی تصاویر پر کرکٹر عبدالرزاق کی وضاحت۔ تفصیلات کے مطابق پاکستان کے مایہ ناز آل رائونڈر عبدالرزاق نے معروف خوبرو بھارتی اداکارہ تمنا
بھاٹیہ کے ساتھ انٹرنیٹ پر ایک بار پھر وائرل ہونیوالی تصاویر کی وضاحت کرتے ہوئے کہا کہ تمنا بھاٹیہ کے ساتھ دبئی کے ہوٹل میں پہلی بار ملاقات ہوئی جہاں ہم ایک جیولری شاپ کے افتتاح کی تقریب میں مدعو تھے ۔ تقریب کے منتظمین کی جانب سے دئیے جانیوالے پروگرام کےمطابق ہمیں فوٹو شوٹ کرانا تھا اور تقریب میں آئے مہمانوں کے ساتھ بات چیت بھی کرنا تھی مگر جیسے ہی تصاویر انٹرنیٹ پر وائرل ہوئیں تو ان کا بتنگڑ بنا دیا گیا۔
