لندن (این این آئی)پاکستانی نژاد برطانوی باکسر عامر خان نے اہلیہ فریال مخدوم کے ساتھ تعلقات دوبارہ بحال ہونے کے بعد اپنی 12 لاکھ پاؤنڈز (16 کروڑ 64 لاکھ پاکستانی روپوں سے زائد) مالیت کی رہائش گاہ کو فروخت کرنے کا فیصلہ تبدیل کرلیا۔گزشتہ کافی عرصے سے عامر اور ان کی اہلیہ فریال مخدوم کے درمیان کافی غلط فہمیاں اور تنازعات منظر عام پر آئے تھے جس پر عامر نے اہلیہ سے علیحدگی کا اعلان کیا تھا، اسی دوران انہوں نے اپنی رہائش گاہ کو بھی فروخت کرنے کا فیصلہ کیاجس کیلئے

ایک ویب سائٹ پر اشتہار دیا گیا تھا، تاہم اب انہوں نے اپنا ارادہ بدل لیا ہے۔عامر خان کی رہائش گاہ ان کی آبائی گھر سے 3 میل کی دوری پر واقع ہے ٗ2 ہزار 80 اسکوائر فٹ پر مشتمل فرنٹ سے شیشوں سے مزین اس وسیع و عریض گھر میں 4 بڑے کمرے، 3 بڑے باتھ روم، ڈائننگ روم، کچن، سوئمنگ پول، اسنوکر کلب اور جم وغیرہ موجود ہے۔واضح رہے کہ حال ہی میں عامر نے ٹوئٹر پر اپنے پیغام کے ذریعے مداحوں کو بتایا تھا کہ وہ اور فریال ایک بار پھر سے ایک ہوچکے ہیں۔

موضوعات:عامر خان، فریال مخدوم