لندن (آن لائن)برطانوی باکسر عامر خان نے اپنی اہلیہ فریال مخدوم پر ساتھی باکسر انتھونی جوشوا کے ساتھ ناجائز تعلقات کا الزام لگا کر طلاق دینے کا اعلان کیا ، عامر خان تو فریال مخدوم پر لگائے گئے الزاما ت ثابت کرنے میں فی الحال ناکام رہے ہیں تاہم ان کے کئی خواتین کے ساتھ مبینہ معاشقے منظر عام پر آچکے ہیں جن میں تازہ ترین 2بچوں کی ماں کے ساتھ ہے۔30سالہ برطانوی شہری ایمی لی نے بتایا کہ انہوں نے عامر خان
اور انتھونی جوشوا سمیت دیگر باکسرز کو انسٹا گرام پر فالو کررکھا تھا ،ایک دن انہوں نے عامر کی ایک تصویر لائک کی جس کے فوری بعد انہوں نے مجھے ان باکس میں پیغام بھیجا اور ہماری گفتگو شروع ہوگئی ،عامر نے مجھے فون نمبر مانگا اور وٹس ایپ پر آنے کو کہا ،وٹس ایپ پر گفتگو کے دوران عامر نے میر ی تصویریں مانگیں جو میں نے بھیج دیں،اگلے روز 18اکتوبر پر عامر نے مجھ سے عریاں تصویریں یا ویڈیو بھیجنے کا کہا تاہم میں نے انکار کر دیا ، مجھے ان سے اسی امید کبھی بھی نہیں رہی تھی، بعد ازاں عامر نے مجھے کئی پیغامات بھیجے اور دو مرتبہ کال بھی کی تاہم والدہ کی سالگرہ کے باعث میں جواب نہیں د ے سکی جس کے بعد عامر نے اپنے آخری پیغام میں کہا کہ چلو جانے دو،گڈ نائٹ ،اور اس کے بعد اب تک مجھے کوئی میسج نہیں کیا ۔برطانوی اخبار کے مطابق عامر خان کے ترجمان کی جانب سے ایمی لی کے ان الزامات کی تردیدکی گئی ہے۔
