اسلام آباد(مانیٹرنگ ڈیسک)شعیب اختر سے کبھی سامنا نہیں ہوا لیکن ان کی بائولنگ سپیڈ دیکھ کر خواہش کیا کرتا تھا کہ کبھی سامنا نہ ہو، محمد عرفان کی گیندیں سمجھ نہیں آئیں، کئی مرتبہ زوردار شاٹ لگانے کی کوشش کی مگر میرا بلا گیند کو نہ چھو سکا، بھارتی کپتان و بلے باز ویرات کوہلی کا اعتراف۔ تفصیلات کے مطابق ایک نجی بھارتی ٹی وی کو انٹرویو دیتے ہوئے ویرات کوہلی

نے اعتراف کرتے ہوئے کہا ہے کہ پاکستانی بائولرز شعیب اختر اور محمد عرفان کو کھیلنے سے احتراز کرتا تھا۔ ویرات کوہلی کا کہنا تھا کہ میں نے کبھی شعیب اختر کا سامنا نہیں کیا لیکن ان کے کیرئیر کے ابتدائی دنوں میں جب ان کی بائولنگ دیکھا کرتا تھا تو اپنے بارے میں سوچتا تھا کہ اگر کبھی سامناہوا تو نان اسٹرائیکنگ اینڈ پر ہی بچت میں رہوں گا ، گیندوں کا سامنا نہیں کرنا۔ ویرات کوہلی نے مزید کہا کہ ورلڈ کپ میچ سے قبل ہمارے بیٹنگ کوچ نے ہمیں خصوصی طور پر ایک فٹ کا سٹول رکھ کر اس پر کھڑے ہو کر بائولنگ کروائی تاکہ ہم محمد عرفان کی بائولنگ کو کھیلنے کے قابل ہو سکیں۔ ویرات کوہلی کا کہنا تھا کہ بنگلو ر میں کھیلے گئے ایک ٹی ٹونٹی میچ کے دوران جب میرا سامنا محمد عرفان سے ہوا تو میرا ساتھی بیٹسمین مجھے کہہ رہا تھا کہ گیند بائونس ہو رہی ہے اس کو کٹ کھیلو مگر میں نے ان کی گیند پر پُل شاٹ کھیلنے کی کوشش کی اور گیند میرے بلے سے تقریباََ 20انچ اوپر سے گزر گئی اور مجھے ان کی گیند سمجھ ہی نہیں جس پر میرے ساتھی بیٹسمین نے ایک بار پھر مجھے کہا کہ وہ لمبا ہے گیند بائونس ہو رہا ہے اس کو کٹ کھیلو، میں نے پھر اس کی بات پر عمل کرتے ہوئے جب دوسری گیند پر کٹ کھیلنے کی کوشش کی تو گیند ایک بار پھر میرے بلے کے اوپر سے گزر گئی جس پر میرا ساتھی بیٹسمین فوراََ بولا

کہ رہنے دوتم نان اسٹرائیکنگ اینڈ پر آجائو، میں نے ان سے کہا کہ میری ہائیٹ کم ہے ، میں گیند تک پہنچ ہی نہیں پا رہا،