اسلام آباد (نیوز ڈیسک) سری لنکن ٹیم نے پاکستان میں کھیلنے کی حامی بھر لی۔ تفصیلات کے مطابق یو اے ای میں پاک سری لنکا ون ڈے کرکٹ سیریز جاری ہے جس کے بعد ٹی 20 سیریز کا آغاز ہو گا۔ اس موقع پر سری لنکن کرکٹ بورڈ نے نوید سنائی ہے کہ وہ ٹی 20 سیریز کا تیسرا میچ پاکستان کے شہر لاہور میں کھیلیں گے اس سے قبل سری لنکن ٹیم کے دورہ پاکستان سے متعلق کافی شکوک و شبہات پائے جا رہے تھے مگر سری

لنکن بورڈ نے شائقین کرکٹ کو خوشخبری سنا دی۔ واضح رہے کہ ورلڈ الیون کے دورہ پاکستان کے بعد سکیورٹی ایشوز پر غیر ملکی کھلاڑیوں کا اعتماد بحال ہوا ہے جس کے بعد سری لنکن بورڈ نے پاکستان میں ٹی 20 سیریز کا آخری میچ کھیلنے کا اعلان کیا ہے۔ ادھر سری لنکن کیپٹن اپل تھارنگا نے لاہور میں میچ کھیلنے سے معذرت کر لی ہے جس کے بعد کپتانی کی ذمہ داری کشال پریرا کو دیئے جانے کی توقع کی جا رہی ہے۔