لاہور(مانیٹرنگ ڈیسک)پاکستان کے لیجنڈری فاسٹ بالر اور سابق کپتان وسیم اکرم کے بہترین ہونے پر ایک اور اسٹیمپ لگ گئی۔ انہیں کرکٹ کی تاریخ کے بہترین بالرز میں شمار کیا جاتا ہے۔تفصیلات کے مطابق ویسٹ انڈیز کے مایہ ناز بلے باز شیو نارائن چندرپال نے وسیم اکرم کو تاریخ کا سب سے بہترین بالر قرار دے دیا وہ ویسٹ انڈیز کی جانب سے ٹیسٹ کرکٹ میں دوسرے سب سے زیادہ رنز بنانے والے بلے باز ہیں۔  ایک انٹرویو کے

دوران ان سے پوچھا گیا کہ آپ کا سب سے پسندیدہ بالر کونسا ہے تو انہوں نے سوئنگ کے سلطان کا نام لیتے ہوئے انہیں سب سے بہترین قرار دیا۔ان کا کہنا تھا کہ میں نے اپنے کیریئر کے دوران عظیم بالرز کا سامنا کیا جس میں وسیم اکرم مجھے سب سے بہترین لگے۔ انہوں نے وقار یونس، گلین میگرا اور شان پولک کو بھی زبردست قرار دیا۔ ان کا کہنا تھا یہ تمام بالرز ہی بہت اچھے تھے لیکن میری نظر میں وسیم اکرم دنیا کے سب سے بہترین بالر ہیں۔یاد رہے وسیم اکرم نے ون ڈے کرکٹ میں 502 جبکہ ٹیسٹ کرکٹ میں 414 وکٹیں حاصل کر رکھی ہیں۔