لاہور(مانیٹرنگ ڈیسک )پاکستان کرکٹ ٹیم کے اسٹرائک بولر محمد عامرپنڈلی کی تکلیف کے سبب سری لنکا کے خلاف ون ڈے سیریز سے باہر ہوگئے ہیں جو دبئی میں جاری دوسرے ٹیسٹ میں سری لنکا کی دوسری اننگزمیں بولنگ بھی نہیں کراسکیں گے۔واضح رہے کہ 13اکتوبر سے شروع ہونے والی پاکستان وسری لنکا کے مابین ون ڈے سیریز کیلئے محمد عامر حتمی اسکواڈ میں شامل تھے۔
پی سی بی کے اعلامئے کے بعد عثمان شنواری کو محمد عامر کے متبادل کے طورپر اسکواڈ میں شامل کرلیا گیاہے۔واضح رہے کہ محمد عامر ٹیسٹ میچوں میں ناقص کارکردگی کے سبب تنقید کی زد میں ہیں تاہم وہ ون ڈے فارمیٹ میں اچھی کارکردگی کا مظاہرہ کررہے ہیں جنہوں نے چیمپئنز ٹرافی کے فائنل میں بھارت کے خلاف بہترین بولنگ کارکردگی کا مظاہرہ کیاتھا۔
