اسلام آباد (نیوز ڈیسک) پاک سری لنکا ون ڈے سیریز کیلئے قومی سکواڈ کا اعلان دبئی ٹیسٹ کے موقع پر کرنے کا امکان۔ توقع کی جارہی ہے کہ چیمپیئنز ٹرافی کھیلنے والی ٹیم کو ہی سری لنکا بھیجا جائے گا۔ تفصیلات کے مطابق چیف سلیکٹر انضمام الحق اس سلسلے میں دبئی روانہ ہو چکے ہیں جہاں وہ کپتان سرفراز احمد اور ہیڈ کوچ مکی آرتھر سے ملاقات کے
بعد سری لنکا ون ڈے سیریز کیلئے کھلاڑیوں کے نام فائنل کریں گے۔ توقع کی جارہی ہے کہ چیمپیئنز ٹرافی کی فاتح ٹیم کو ہی سری لنکا ون ڈے سیریز کیلئے بھیجا جائے گا۔ پاکستان اور سری لنکا کے درمیان ون ڈے سیریز کیلئے سولہ رکنی سکواڈ کا اعلان دبئی ٹیسٹ کے دوران کر دیا جائے گا۔ پاک سری لنکا سیریز کا پہلا میچ 13اکتوبر کو ہو گا۔
