لاہور(آئی این پی) پاکستان کرکٹ بورڈ(پی سی بی)نے انڈر 13اور انڈر 16کرکٹرز کی تلاش کیلئے اوپن ٹرائلز کا شیڈول جاری کردیا ہے۔پی سی بی نے یوتھ پلیئرز ڈویلپمنٹ پروگرام 2017-18 کے تحت انڈر 13اور انڈر16کرکٹرز کی تلاشکیلئے60اضلاع میں اوپن ٹرائلز کا شیڈول جاری کر دیا۔ اوپن ٹرائلز 9 اکتوبر سے شروع ہوں گے، اس پروگرام کے تحت گراس روٹ لیول سے نوجوان
پلیئرز کو تلاش کرکے ٹاپ لیول تک لایا جائے گا۔پی سی بی کے ریجنل ہیڈ/اسسٹنٹ کوچز اور اضلاع کے لوکل سلیکٹرز اوپن ٹرائلز لیں گے۔ پی سی بی کی جانب سے ڈویلپمنٹ پروگرام کیلیے شیڈول جاری کر دیا گیا ہے۔ ٹرائلز کا آغاز 9 اکتوبر سے 19 اکتوبر تک 60 اضلاع میں جاری رہیں گے۔ یکم ستمبر 2013 یا اس کے بعد پیدا ہونے والے پلیئرز انڈر 13 ٹرائلز میں شریک ہو سکیں گے جبکہ یکم ستمبر 2001 کے بعد پیدا ہونے والے پلیئرز انڈر 16 ٹرائلز میں شرکت کے مجاز ہوں گے۔لاہور ریجن کے ٹرائلز میں ریس کورس گرائونڈ، ماڈل ٹان کرکٹ سنٹر اور کشمیر کران گرانڈ شاہدرہ میں ہوں گے۔ ملتان ریجن کے ٹرائلز ملتان سٹیڈیم، جمخانہ گرانڈ اوکاڑہ، قائد اعظم سٹیڈیم ساہیوال، ڈسٹرکٹ کرکٹ ایسوسی ایشن گرانڈ، قائد اعظم سٹیڈیم بورے والا، بہاولپور ریجن میں ڈرنگ سٹیڈیم بہاولپور، عباسیہ سپورٹس کمپلیکس رحیم یار خان، حیدر سٹیڈیم بہاول نگر، گورنمنٹ کالج لیہ، مظفر گڑھ کرکٹ گرانڈ، گورنمنٹ ہائی سکول جامپور، اسلام آباد کے ٹرائلز ڈائمنڈ کرکٹ گرانڈ، سیالکوٹ ریجن کے چودھری ظہور الہی سٹیڈیم، شیخوپورہ کرکٹ سٹیڈیم، جناح سٹیڈیم سیالکوٹ، جناح سٹیڈیم گوجرانوالہ، فیصل آباد ریجن میں میانوالی سٹیڈیم، سرگودھا سٹیڈیم، قصور
سپورٹس کمپلیکس جبکہ راولپنڈی ریجن کے ٹرائلز ڈی سی اے گرانڈ اٹک، پنڈی سٹیڈیم اور سید ضمیر جعفری سٹیڈیم میں ہوں گے۔
