لندن(این این آئی)معطل انگلش کرکٹر بین اسٹوکس مزید مشکلات میں پھنسے لگے ٗ برسٹل میں نائٹ کلب کے باہر جس شخص کی پٹائی کی وہ سابق فوجی نکلا جبکہ معطلی کے بعد 28کروڑ روپے کے اشتہاری معاہدے بھی خطرے میں پڑگئے۔گزشتہ ہفتے بین اسٹوکس نے کلب کے باہر جس آدمی کی پٹائی کی وہ ایک سابق فوجی تھا جو افغانستان میں اپنی خدمات انجام دے چکا تھا۔رائن ہیلز کی والدہ نے غیر ملکی میڈیا سے بات چیت کرتے

ہوئے بتایا کہ ان کا بیٹا جارحانہ مزاج بالکل نہیں رکھتا جبکہ وہ اس وقت شاک کی کیفیت میں ہے۔دوسری جانب بین اسٹوکس کے ستارے اب بھی گردش میں ہیں ٗانگلش کرکٹ بورڈ سے معطلی کے بعدان کے ایڈ اگریمینٹس بھی خطرے سے دو چار ہوگئے جس کے ساتھ انہیں 2ملین پاونڈز کا نقصان اٹھانا پڑسکتا ہے۔ادھر انگلش اوپنر الیکس ہیلز کو نامناسب تصوریں سماجی ویب سائٹ پر پوسٹ کر نے پر بھی انکوائری کا سامنا کر نا پڑا۔