کولکتہ(آئی این پی) آسٹریلیا سے دوسرے ون ڈے میں کیچ اور رن آؤٹ ہونے کے باوجود بھارتی آل راؤنڈر ہردیک پانڈیا وکٹ گنوانے سے محفوظ رہے، 48 ویں اوور میں ڈرامائی صورتحال کی وجہ سے کچھ دیر میچ رکا، ہردیک نے ایک اونچی فل ٹاس کو کھیلا اور اسٹیون اسمتھ کے ہاتھوں کیچ ہونے پر میدان سے باہرجانا شروع کردیا۔اتنے میں اسمتھ نے سوچا کہ ہوسکتا ہے کہ اونچائی کی وجہ سے
اسے نوبال قرار دیا جائے ، اس لیے انھوں نے بولر کین رچرڈسن کی جانب گیند اچھال کر بیلز اڑانے کو کہا، اس سے پہلے کہ صورتحال واضح ہوتی بارش شروع ہوگئی، اس وجہ سے سب کو فیلڈ سے باہر جانا پڑا، بعد میں امپائر نے گیند کو نو اور پانڈیا کو ناٹ آؤٹ قراردیتے ہوئے واضح کیا کہ کوئی بھی کھلاڑی اگر غلطی سے خود کو آؤٹ سمجھ کر باہر جانے لگے تو اس کو رن آؤٹ قرار نہیں دیا جا سکتا۔
