اسلام آباد (این این آئی)پاکستان ہاکی فیڈریشن (پی ایچ ایف) نے آئندہ ماہ شیڈول دسویں ہاکی ایشیا کپ کیلئے 18 رکنی ٹیم کا اعلان کر دیا۔ محمد عرفان ٹیم کے قیادت کے فرائض انجام دیں گے جبکہ رضوان سینئر نائب کپتان ہوں گے۔ ایشیا کپ ہاکی ٹورنامنٹ 11 سے 22 اکتوبر تک بنگلہ دیش میں شیڈول ہے۔  پریس ریلیز کے مطابق کراچی میں عبدالستار ایدھی ہاکی سٹیڈیم میں دو روزہ ٹرائلز کے بعد ایشیا کپ کیلئے حتمی ٹیم کا چناؤ کیا گیا ہے،

اعلان کردہ ٹیم گول کیپر مظہر عباس، امجد علی، کپتان محمد عرفان، عاطف مشتاق، مبشر علی، عماد شکیل بٹ، ابو بکر محمود، تصور عباس، راشد محمود، رضوان جونیئر، ارسلان قادر، اظفر یعقوب، عمر بھٹہ، رضوان سینئر نائب کپتان، علی شان، محمد عتیق، وقاص اکبر اور اعجاز احمد پر مشتمل ہے، جبکہ آفیشلز میں فرحت خان مینجر اور ہیڈ کوچ، ملک شفقت کوچ، محمد سرور کوچ، ڈاکٹر عاطف بشیر ٹیم ڈاکٹر اور ابو ذر وڈیو اینالسٹ ہوں گے۔