اسلام آباد(مانیٹرنگ ڈیسک)کرکٹرز کو دوران میچ سٹیڈیم میں موجود خواتین کی طرف سے بذریعہ بینرز اور پلے کارڈ شادی کے پرپوزل ملنا کوئی اچنبھے کی بات نہیں لیکن پاکستان اور ورلڈ الیون کے میچ کے دوران بھارتی کپتان ویرات کوہلی کیلئے ایک ایسا رشتہ آگیا کہ سب ہی ہنس ہنس کر لوٹ پوٹ ہو گئے۔ بھارتی اخبارات اور میڈیا نے اسے نمایاں سرخیوں کے ساتھ شائع اور نشر کیا ۔ بینر پر تحریر کے ذریعےکوہلی کو شادی کی پیشکش کرنے والی یہ کوئی لڑکی نہیں بلکہ پنجاب پولیس کا شیر جوان تھا۔انٹرنیٹ پر جنگل کی آگ کی طرح
پھیلی اس تصویر میں دیکھا جا سکتا ہے کہ قذافی سٹیڈیم میں کھڑے اس پاکستانی پولیس اہلکار نے ہاتھوں میں ایک بینر اٹھا رکھا ہوتا ہے جو وہ کیمرے کو دکھا رہا ہوتا ہے۔ اس بینر پر لکھا ہوتا ہےکہ’’کوہلی مجھ سے شادی کر لو‘‘۔ واضح رہے کہ کوہلی کو اب تک درجنوں لڑکیاں بھرے سٹیڈیم میں شادی کی پیش کش کر چکی ہیں اور آخری بار انہیں انگلینڈ کی خاتون کرکٹر ڈینئلی ویئٹ کی طرف سے یہ پیشکش کی گئی تھی لیکن پاکستان سے کوہلی کو شادی کی جو یہ پیشکش کی گئی ہے شایدوہ اس رشتے کو زندگی بھر نہ بھلا سکیں۔
