لاہور (آئی این پی )ورلڈالیون کے کھلاڑی ٹی ٹونٹی سیریز میں شکست کے بعد لاہور سے دبئی روانہ ہوگئے جہاں سے وہ اپنے اپنے وطن جائیں گے۔پاکستانی شائقین میں خوشیاں بکھیر نے والے ورلڈ الیون کے کھلاڑی خوشگوار موڈ میں ایئرپورٹ پہنچے۔روانگی سے پہلے ہوٹل ملازمین کے ساتھ تصاویر بنوائیں اور
ایئرپورٹ پر موجود عملے سے خوشگوار انداز میں گفتگو کی۔لاہور میں میچوں کے دوران سیکورٹی ہائی الرٹ رہی جس سے غیر ملکی کھلاڑی بھی مطمئن رہے۔پاکستانی قوم نے غیر ملکی کھلاڑیوں کے دل جیت لیے،ان میں سے بیشتر نے دوبارہ پاکستان آکر کھیلنے کا عزم کیا ۔ ذرائع کے مطابق ورلڈ الیون کے کوچ ٹیم کے ہمرا نہیں گئے وہ بعد میں جائیں گے ۔دوسری جانب پاکستان کو امن کا ثمر مل گیااور غیر ملکی ٹیموں کی آمد کا راستہ کھل گیا ہے۔ورلڈ الیون
کے بعد اب ویسٹ انڈیز کی کرکٹ ٹیم نومبر میں پاکستان کا دورہ کرے گی ۔
