’’آئی فون 8‘‘ کم قیمت پر بیچ رہا ہوں، اگر خریدنا چاہتے ہیں تو۔۔

15 ستمبر‬‮ 2017 |

لاہور(مانیٹرنگ ڈیسک) ورلڈ الیون کے سکواڈ میں شامل آزادی کپ کھیلنے کیلئے ڈیرین سیمی نے اپنے مداحوں کو قدرے کم قیمت پرآئی فون 8بیچنے کا اعلان کر دیا ۔ڈیرن سمی نے سماجی رابطوں کی ویب سائٹ ٹوئٹر پر جاری اپنے پیغام میں کہا ہے کہ وہ آئی فون 8 فروخت کیلئے دستیاب ہے،

اگر آپ خریدنے پر دلچسپی رکھتے ہیں تو مجھے ڈائریکٹ میسیج کریں، قیمت کم ہو سکتی ہے۔ڈیرن سمی نے جیسے ہی یہ اعلان کیا تو ہر کوئی حیران رہ گیا لیکن جب اس کے ساتھ موجود ”آئی فون 8“ کی تصویر دیکھی تو قہقہوں کا طوفان امڈ آیا ۔ڈیر سمی کی جانب سے ٹویٹر پر پوسٹ کی جانے والی یہ تصویر ایپل کے اصلی آئی فون کی نہیں بلکہ ایک بچے کی ہے جس نے اپنی ایک آنکھ پر موبائل فون باندھ رکھا ہے اور اسے آئی فون کا نام دیا ہے۔ ڈیرین سیمی کو یہ تصویر اتنی پسند آئی وہ اسے شیئر کئے بغیر نہ رہ سکے اور اس کیساتھ ہی انہوں نے اپنے مداحوں کیساتھ بھی دلچسپ مذاق کرنے کا فیصلہ کر لیا۔قبل ازیں گوجرانوالہ میں ایک پہلوانی اکھاڑے کو ڈیرن سیمی کے نام سے منسوب کردیاگیا ۔ میڈیا رپورٹ کے مطابق ڈیرن سیمی پہلوانی اکھاڑے میں پہلوانوں نے روایتی انداز میں ڈھول کی تھاپ پر دھمال ڈال کر کرکٹ کے عظیم ہیرو سیمی سے اپنی محبت کا اظہار بھی کیا ۔پہلوانوں کا کہنا ہے کہ پی ایس فائنل کے دوران ڈیرن سیمی نے پاکستانی قوم سے جس والہانہ انداز میں محبت کا اظہار کیا تھا وہ برسوں یاد رہے گا۔پہلوانوں نے کہا کہ انٹرنیشنل کرکٹ کی خوشیاں پاکستان لانے میں سیمی کا اہم کردار ہے۔