لاہور( این این آئی)ورلڈ الیون اور قومی کرکٹ ٹیم کے درمیان آزاد کپ ٹی ٹونٹی سیریز کی حفاظتی ڈیوٹی پر تعینات پولیس اہلکاروں کے کھانے کیلئے ساڑھے3روپے کے فنڈز مختص کر دئیے گئے ۔آئی جی پنجاب نے اہلکاروں کیلئے 10سے 15ستمبر دوران ڈیوٹی کھانے کی فراہمی کیلئے فنڈز مختص کئے ہیں۔ تمام اہلکاروں کو ڈیوٹی پوائنٹس پر کھانا فراہم کیا جائے گا۔دریں اثناء لاہورا لیکٹرک سپلائی کمپنی نے آزادی کپ ٹی ٹونٹی سیریز کے دوران شہر کو شام پانچ سے رات بارہ بجے تک لوڈ شیڈنگ سے مستثنیٰ قرار دیدیا،

لیسکو نے ورلڈ الیون اور قومی ٹیم کے درمیان تین ٹی ٹونٹی میچوں کی سیریز کے دوران 11سے15ستمبر تک شام پانچ سے رات بارہ کے درمیان لاہور شہر میں لوڈ شیڈنگ نہ کرنے کا اعلان کر دیا ہے جبکہ قذافی اسٹیڈیم کو بجلی فراہم کرنے والے متعلقہ دو گرڈ اسٹیشنز اور پانچ فیڈرز لوڈ شیڈنگ سے مکمل مستثنیٰ ہوں گے۔