لاہور(آن لائن)پاکستان کرکٹ ٹیم کے خبروں میں رہنے والے کھلاڑی عمر اکمل اور پاکستانی کرکٹ ٹیم کے ہیڈکوچ مکی آرتھر کے درمیان ’’گالی گلوچ والے تنازعے‘‘کا ڈراپ سین ہوگیابتایاگیا ہے کہ عمراکمل نے ہیڈ کوچ مکی آرتھرسے اْلجھنے اور الزامات عائد کرنے کی وجہ اپنا ذہنی دباؤ قرار دیدیا ہے اور مستقبل میں ایسی غلطی نہ دْہرانے کا وعدہ کیاہے ذرائع کے مطابق عمراکمل نے شوکازنوٹس کے جوا ب میں پی سی بی کے
کوڈآف کنڈیکٹ کی خلاف ورزی کا اعتراف بھی کرلیا ہے اور انہوں نے پاکستان کرکٹ بورڈ سے وعدہ کیاہے کہ وہ دوبارہ ایسی غلطی نہیں دْہرائیں گے اس سلسلے میں بیٹسمین کے مطابق وہ جلد ہی میڈیا کے سامنے کرکٹ ٹیم کے ہیڈ کوچ مکی آرتھر سے باقاعدہ معذرت بھی کریں گے تاہم ذرائع کے مطابق عمر اکمل نے اپنا یہ فیصلہ اپنے سسر اور پاکستانی کرکٹ ٹیم کے لیجنڈ کھلاڑی عبدالقادر کے سمجھانے پر کیا ہے کیونکہ عبدالقادر نے عمر اکمل کو سمجھایاتھا کہ وہ ایسی حرکتیں کر کے صرف اور صرف اپنا کیرئیر تباہ کر رہے ہیں ۔
