اوول(آئی این پی) پاکستان کے مایہ ناز باؤلر حسن علی کو چیمپئنز ٹرافی میں سب سے زیادہ 13 وکٹیں لینے پر گولڈن بال ایوارڈ سے نوازا گیا اور انہیں پلیئر آف دی میچ بھی قرار دیا گیا ۔ اتوار کو چیمپیئنز ٹرافی کے فائنل میں پاکستانی باؤلر حسن علی نے 3 وکٹیں حاصل کیں اور مجموعی طور پر پورے ٹورنامنٹ میں انہوں نے 13 وکٹیں حاصل کیں جس

پر انہیں گولڈن بال ایوارڈ سے نوازا گیا اور انہیں پلیئر آف دی ٹورنامنٹ بھی قرار دیا گیا ۔ اس موقع پر میڈیا سے گفتگو کرتے ہوئے حسن علی نے کہا کہ خدا کا شکر ادا کرتا ہوں ٹورنامنٹ اچھا رہا ۔ آئندہ بھی اچھی پرفارمنس دونگا ۔ فائنل میں بھارت سے میچ کا کوئی دباؤ نہیں تھا ۔ یہ میرے لئے ایک خاص لمحہ ہے جسے الفاظ میں بیان نہیں کر سکتا ۔