اسلام آباد نیوز ڈ یسک) ضلع کے علاقے کرکلا میں رشتے کے تنازع نے خونریز رخ اختیار کر لیا، جہاں مسلح افراد کی مبینہ فائرنگ سے تین سگے بھائی جان سے ہاتھ دھو بیٹھے،

جبکہ ایک کمسن بچہ زخمی ہو گیا۔پولیس کے مطابق واقعہ گھر کے اندر پیش آیا، جہاں ملزمان نے اندھا دھند فائرنگ کی۔ فائرنگ کے نتیجے میں تین افراد موقع پر ہی جاں بحق ہوگئے، جبکہ ایک بچہ زخمی حالت میں اسپتال منتقل کیا گیا۔

واقعے کے بعد پولیس نے کارروائی کرتے ہوئے دو خواتین سمیت 9 نامزد افراد کے خلاف مقدمہ درج کر لیا ہے۔ حکام کا کہنا ہے کہ ملزمان کی گرفتاری کے لیے مختلف مقامات پر چھاپے مارے جا رہے ہیں اور تحقیقات جاری ہیں۔پولیس کے مطابق ابتدائی معلومات کے مطابق واقعے کی وجہ رشتے کا تنازع بتائی جا رہی ہے، تاہم تمام پہلوؤں کا تفصیلی جائزہ لے کر مزید قانونی کارروائی عمل میں لائی جائے گی۔