نئی دہلی(آئی این پی )پاکستان کے ہاتھوں چیمپئن ٹرافی کے فائنل میں بھارتی سورماؤں کو انتہائی شرمناک اور زلت آمیز شکست کے بعد بھارتی میڈیا پر صف ماتم بچھ گیا ،بھارتی ٹی وی چینلز نے ہندوستانی ٹیم اور کپتان ویرات کوہلی پر شدید تنقید کرتے ہوئے ٹیم کی شکست کی وجوہات کی تحقیقات کا مطالبہ کردیا ۔اتوار کو پاکستان کے ہاتھوں چیمپئن ٹرافی کے فائنل میں بھارتی سورماؤں کو ذلت آمیز شکست پر بھارتی میڈیا پر صف ماتم بچھ گیا۔

تمام ٹی وی چینلز نے پاکستان کے ہاتھوں ہندوستانی ٹیم کو ذلت آمیز شکست پر اڑے ہاتھوں لیا۔بھارتی نجی ٹی وی چینل این ڈی ٹی وی کا بھارتی شکست پر تبصرہ کرتے ہوئے کہنا تھا کہ ویرات کوہلی کی کپتانی پر کئی سوال اٹھ رہے ہیں ،کوہلی اپنی بلے بازی میں ناکام رہے اور بھارتی کرکٹ کے مداحوں کو اچھا خاصا مایوس کیا ہے۔بھارتی ٹی وی کا کہنا تھا کہ گذشتہ روز پاکستان کے تیز ترین ابھرتے ہوئے نوجوان بالر محمد عامر نے ویرات کوہلی کی کمزوریوں کی طرف اشارہ کرتے ہوئے کہا تھا کہوہ ویرات کوہلی کو جلدی آٹ کرکے بھارتی ٹیم پر اپنا تسلط قائم کریں گے ،محمد عامر کا اشارہ ویرات کوہلی کی آف سٹمپ سے باہر جاتی گیندوں پر کمزوری کی طرف تھا ،ساتھ ہی محمد عامر کا کہنا تھا کہ ویرات کوہلی کے آٹ ہوتے ہی بھارتی ٹیم بکھر جائے گی اور آج محمد عامر نے ویرات کوہلی کو آٹ کر کے بھارتی ٹیم کو حقیقت میں تنکوں کی طرح بکھیر کے رکھ دیا ۔