سرگودھا (آئی این پی)پاکستان اور بھارت کے درمیان آج کھیلے جانیوالے چیمپیئن ٹرافی کے میچ میں کروڑوں روپے کا جواء لگ گیا بکیؤں نے بھارت کو فیورٹ قرار دیدیا ہے جبکہ پاکستان کی جیت پر بھی بکیؤں نے جواء کھیلنا شروع کردیا ہے پاکستان اور بھارت کے درمیان چیمپیئن ٹرافی میں یہ دوسرا مقابلہ ہے پہلے مقابلے میں بھارت نے
پاکستان کو شکست دی تھی تاہم باقی میچوں میں پاکستان نے عمدہ کارکردگی کا مظاہرہ کرتے ہوئے فائنل کھیلنے کا اعزاز حاصل کیا آج دیکھنا یہ ہے کہ پاکستانی ٹیم اپنے روایتی حریف بھارت کو ہراتی ہے یا کہ بھارت جیتتا ہے فیصلہ آج ہوجائیگا دوسری طرف محکمہ واپڈا نے آج میچ کے دوران بجلی کی لوڈ شیڈنگ نہ کرنے کا اعلان کیا ہے۔
