اسلام آباد(مانیٹرنگ ڈیسک)ویرات کوہلی کی پاکستان کے خلاف چیمپئنز ٹرافی کے فائنل میں شرکت مشکوک، بیماری کے باعث ٹیم کے ساتھ اوول نہ جا سکے۔ تفصیلات کے مطابق چیمپئنز ٹرافی کے فائنل میچ میں پاک بھارت ٹاکرے سے قبل بھارتی ٹیم ڈگمگا گئی ہے ۔ اس کے اہم ترین کھلاڑی ویرات کوہلی بیمار ہو چکے ہیں جس کے باعث وہ فائنل میچ کیلئے برمنگھم سے اوول آنے
والی بھارتی ٹیم کے ہمراہ بھی نہیں آسکے ہیں۔ بھارتی میڈیا رپورٹس کے مطابق کوہلی شدید تھکان اور سردرد میں مبتلا ہو چکے ہیں ۔ بھارتی ٹیم کے اوول جانے سے قبل ویرات ہوٹل کے دروازے تک بھی آئے ۔ اس موقع پر بھارتی ٹیم کے فزیو کو انہیں دوائی دیتے ہوئے بھی دیکھا گیا جبکہ ویرات فزیو سے اپنے سر کی جانب اشارہ کر کے کچھ بات کرتے ہوئے بھی دیکھے گئے ہیں۔
