اسلام آباد(مانیٹرنگ ڈیسک)چیمپئنز ٹرافی کے فائنل میں پاک بھارت ٹاکرے سے قبل بھارت کے سابق کپتان سارو گنگولی کی گاڑی پر پاکستانی پرچموں نے سب کو حیران کر دیا۔ تفصیلات کے مطابق چیمپئنز ٹرافی کی تاریخ کے سب سے بڑے معرکے میں پاک بھارت کرکٹ ٹیموں کے فائنل میچ سے قبل بھارت کے سابق کپتان سارو گنگولی کی گاڑی پر پاکستانی پرچموں کی بہار آگئی۔
سارو گنگولی پاک انگلینڈ میچ کی کمنٹری کے سلسلے میں جب سٹیڈیم پہنچے تو اس موقع پر وہاں موجودپاکستانی شائقین کرکٹ نے ان کی گاڑی کو گھیرے میں لے لیا اور پاکستانی پرچموں سے ان کی گاڑی کو سجا دیا۔ اس موقع پر گنگولی ہاتھ ہلا کر شائقین کرکٹ کے نعروں کا جواب دیتے رہے جب کہ سکیورٹی پر معمور انگلش اہلکاروں نے بڑی مشکل سے ان کی گاڑی کیلئے راستہ واگزار کرایا۔
