اوول(آئی این پی)چیمپئنز ٹرافی کے فیصلہ کن معرکے میں ایک مرتبہ پھر پاکستان اور بھارت کے درمیان ٹاکرا ہوگا شاہینوں نے فیصلہ کن معرکے کی تیاریوں کا آغاز کر دیا ، شاہین ایجبسٹن کا بدلہ اوول میں چکانے کے لئے پرعزم ہیں۔شاہینوں نے ایک روز مکمل آرام کے بعد اتوار کو شیڈول چیمپئنز ٹرافی کے تاریخی فائنل کی تیاریوں کا آغاز کر دیا ، ٹورنامنٹ کے پہلے میچ میں شکست کے بعد شاہینوں کے کم بیک سے بھارتی ٹیم پریشان ہے۔
پاکستانی باؤلرز کی عمدہ کارکردگی کو لے کر بھارتی کیمپ میں بے چینی پائی جاتی ہے ، بھارتی ٹاپ آرڈر بلے باز تو اچھی فارم میں ہیں مگر مڈل آرڈربلے بازوں کواس ٹورنامنٹ میں ابھی تک موقع نہیں مل سکا جو کہ انڈین ٹیم کے لئے پریشانی کا باعث ہے۔پاکستانی ٹیم ہیڈ کوچ مکی آرتھر کہتے ہیں کہ ٹیم فیصلہ کن معرکے کے لئے تیار ہے اور اس مرتبہ دباؤ پاکستان پر نہیں بلکہ بھارت پر ہوگا اور ہم کوشش کریں گے کہ اس دباؤ کا فائدہ اٹھائیں۔
