نئی دہلی(این این آئی) پاکستان کے کسی دل جلے شائق نے فاسٹ بولر وہاب ریاض کو نیلامی کیلئے ’ای بے‘ نامی ویب سائٹ پرڈال دیا۔فاسٹ بولر وہاب ریاض کی مایوس کن پرفارمنس پر کسی نے ’ای بے‘ پر انھیں فروخت کیلئے پیش کردیا اور لکھا کہ مجھے ان کی مزید ضرورت نہیں ہے۔

دلچسپ بات یہ ہے کہ جب تک ای بے کی انتظامیہ نے انھیں ویب سائٹ سے ہٹایا تب تک 54 بولیاں وصول بھی ہوچکی تھیں،پہلی بولی ساٹھ ڈالر سے شروع ہوئی اور ان میں سے ایک نے 610 آسٹریلوی ڈالر کی بولی بھی دی۔واضح رہے کہ یہ اپنی نوعیت کا پہلا واقعہ ہے، وہاب چیمپئنز ٹرافی میں بھارت کیخلاف 87 رنز کی پٹائی برداشت کرکے انجرڈ ہوگئے تھے۔

موضوعات:وہاب ریاض