کارڈف (مانیٹرنگ ڈیسک) پاکستانی کرکٹ ٹیم کے آل راؤنڈر شعیب ملک کل سری لنکا کیخلاف میچ میں اپنا 250واں ون ڈے کھیلنے جا رہے ہیں۔ اس موقع پر ان کی اہلیہ بھارتی ٹینس سٹار ثانیہ مرزا نے شعیب ملک کیلئے نیک تمناؤں اور خواہشات کا اظہار کیا ہے۔ ثانیہ مرزاکا نجی ٹی وہی سے گفتگو میں کہنا تھا کہ شعیب ملک کی 250ویں ون ڈے میں پاکستان کی نمائندگی بڑے فخر کی بات ہے۔

ڈھائی سو ون ڈے کا سنگ میل، شعیب ملک کی والدہ، بھائی اور میرے لیے اعزاز کی بات ہے۔ اتنی کرکٹ کھیلنا شعیب ملک کی پاکستان اور کرکٹ کے ساتھ لگاؤ کو ظاہر کرتا ہے۔ انہوں نے بتایا کہ میں شعیب ملک کو ہر میچ سے پہلے فون کرتی ہوں اور ان کا حوصلہ بڑھاتی ہوں۔