اسلام آباد(مانیٹرنگ ڈیسک)پاکستانی باکسر محمد وسیم فلائی ویٹ کیٹگری میں عالمی نمبر ایک باکسر بن گئے۔ورلڈ باکسنگ کونسل کی نئ رینکنگ کے مطابق پاکستانی باکسرمحمد وسیم سلور فلائی ویٹ کیٹگری میں دنیامیں پہلے نمبرپرآگئے ہیں ۔جون میں کی گئی رینکنگ کے مطابق میکسیکو کے باکسر فرانکیسکو عالمی رینکنگ میں دوسرے نمبر پر اور برطانوی باکسر اینڈریو سیلبی عالمی رینکنگ میں تیسرے نمبر پر ہیں۔

دنیامیں اول پوزیشن حاصل کرنے والے محمدوسیم پہلے پاکستانی باکسرہیں جنہوں نے یہ ریکارڈقائم کیاہے جبکہ معروف باکسرجولائی میں پاناما میں ڈبلیو بی سی کی دوتربیتی فائٹس میں حصہ لیں گے۔اورمحمدوسیم کااگلا ہدف فلائی ویٹ کیٹگری میں گولڈ ٹائٹل کا حاصل کرناہے ۔واضح رہے کہ گولڈ ٹائٹل کے لئے محمد وسیم کی فائٹ رواں سال ستمبر یا اکتوبر میں ہوگی۔۔محمدوسیم نے اس کامیابی پرخوشی کااظہارکیاہے ۔

موضوعات:باکسر محمد وسیم