سینٹ لوشیا(آئی این پی) افغانستان کرکٹ ٹیم کے لیگ سپنرراشد خان نے ویسٹ انڈیز کیخلاف ون ڈے کرکٹ کی تاریخ کی چوتھی بہترین باؤلنگ کرڈالی۔نوجوان لیگ سپنر کے 18رنز کے عوض 7وکٹوں کے شاندار سپیل کے باعث افغانستان نے ویسٹ انڈیز کو 63رنز شکست دیکر تین میچز کی سیریز میں 1۔0کی برتری حاصل کرلی۔

راشد خان چھٹے اوور میں باؤلنگ کرنے آئے اور اپنے پہلے ہی اوور میں جیسن محمد اور پہلا ہی میچ کھیلنے والے روسٹن چیز کی وکٹ حاصل کی جبکہ اپنے دوسرے اوور میں پہلے شائی ہوپ اور پھر کپتان جیسن ہولڈ کو پوویلین بھیجا ،راشد نے ایشلے نرس کی وکٹ لیکر 5وکٹیں مکمل کیں ا ور پھر جوزف اور کمنز کو آؤٹ کرکے 7شکار مکمل کیے۔