برمنگھم (این این آئی) بھارتی کرکٹ ٹیم کے مایہ ناز اوپننگ بلے باز روہت شرما نے کہا ہے کہ وہ پاکستان کے خلاف کار کر دگی سے مطمئن ہیں ٗ سری لنکا کو بھی شکست دینگے ۔میڈیا رپورٹ کے مطابق روہت شرما نے کہا کہ وہ پاکستان کو عبرتناک شکست دینے کے بعد مطمئن ہیں، انہوں نے کہا کہ پاکستان کے خلاف میچ میں عمدہ بیٹنگ کے بعد انکے اعتماد میں مزید اضافہ ہوا ہے۔

انہوں نے کہا کہ وہ آئندہ میچ میں سری لنکا کے خلاف بھی عمدہ کھیل پیش کرتے ہوئے اپنی ٹیم کی فتح میں اہم کردار ادا کرینگے۔ روہت شرما نے پاکستان کے خلاف ٹورنامنٹ کے پہلے میچ میں 91 رنز کی اننگز کھیلی تھی تاہم وہ نروس نائنٹیز کا شکار ہوگئے تھے۔ انہوں نے کہا کہ انکی ٹیم مکمل طور پر متحد ہے اور ٹورنامنٹ کے ہر میچ کو فائنل سمجھ کر کھیلے گی