برمنگھم(آئی این پی)چیمپینز ٹرافی میں بھارت نے پاکستان کو شکست دے دی جس کے بعد اس میچ پر تبصروں اور رد عمل کا سلسلہ جاری ہے ، بھارتی کھلاڑیوں نے اپنی جیت کا جشن بھر پور طریقے سے منا یا اور اپنے سوشل میڈ یا اکاوئنٹس پر خوب پوسٹیں اپ ڈیٹ کیں تاہم اس حوالے سے شکھر دھون نے اپنی اوقات سے بڑھ کر بیان دے دیا جسے جان کر غصے سے آپ کا خون بھی کھول اٹھے گا۔بھارتی اوپنر نے فتح کے بعد ڈنر کے دوران ساتھی کھلاڑیوں کے ہمراہ سیلفی لی
اور انسٹاگرام پر اس پیغام کے ساتھ پوسٹ کر دی کی کہ “کول اسلحہ وی بڑا اے ، تے دلیری وی بڑی اے ، خون گرم اے پورا ، ہالے شیری وی بڑی اے “جس کے ساتھ ایک نعرہ بھی شامل تھا۔کرکٹ پنڈتوں کا کہنا ہے کہ کرکٹرز کو صرف اپنے پرو فیشن سے متعلق بات کرنی چاہیے ،اس سے ہٹ کر دوسرے ملک کے خلاف کوئی بھی بیان انتہائی غیر مناسب طرز عمل ہے ، انہوں نے کہا کہ شکھر دھون کے اس پیغام سے جنگی جنون میں مبتلا ان کی ذہنیت کا اندازہ لگا یا جا سکتا ہے۔
