برمنگھم (این این آئی)پاکستان اورجنوبی افریقہ کامیچ بارش سے متاثرہونے کاامکان،بارش کے باعث میچ مکمل نہ ہوسکاتوپاکستان کے سیمی فائنل کے لئے رسائی مشکل ہوجائے گی۔محکمہ موسمیات کے مطابق برمنگھم میں بارش ہونے کاامکان ہے ۔واضح رہے کہ اس میچ سے قبل ایجسٹن کرکٹ گراؤنڈبرمنگھم میں پاکستان اور بھارت کامیچ بھی بارش سے متاثرہواتھا ۔بارش کی وجہ سے اوورکم کردیئے گئے تھے جسکانقصان پاکستان کوہوا۔
انگلینڈمیں حالیہ بارشوں کی وجہ سے چیمپئنزٹرافی کے کئی میچزمتاثرہوئے نیوزی لینڈ اور آسٹریلیا اوربنگلہ دیش اورآسٹریلیاکے میچزبارش کے باعث مکمل نہ ہوسکے اورٹیموں کوایک ایک پوائنٹ دیاگیا پاکستان کا آسٹریلیا کے ساتھ پریکٹس میچ بھی بارش کی نذر ہوگیاتھا۔اگربارش کے باعث پاکستان اورجنوبی افریقہ کامیچ مکمل نہیں ہوتاتودونوں ٹیموں کوایک ایک پوائنٹ دیاجائے گاجسکانقصان پاکستان کوپہنچے گاپاکستان کے لئے یہ میچ جیتنابہت ضروری ہے۔