برمنگھم(آئی این پی)پاکستان کے وہاب ریاض چیمپئنز ٹرافی میں مہنگے ترین بالرثابت ہوئے ۔برمنگھم کے ایجبسٹن گرائونڈ میں بھارت کیخلاف میچ میں وہاب ریاض نے 8.4اوورز میں 10.03کی بالنگ اوسط سے 87رنز دیئے جو میگا ایونٹ میں پانچ یا اس سے زیادہ اوورز کرانیوالے کسی بھی بائولر کی جانب سے دیئے گئے سب سے زیادہ رنز ہیں۔

واضح رہے کہ وہاب ریاض کو جنید خان کی جگہ پلیئنگ الیون کا حصہ بنایا گیا تھا۔ میچ کے دوران ان کا ٹخنہ مڑ گیا جس پر وہ تکلیف کے باعث میدان پر بیٹھ گئے اور پھر اپنا اوور نامکمل چھوڑ کر میدان سے باہر چلے گئے تھے ، محمد عامر بھی پنڈلی میں مسائل کا شکار نظر آئے تاہم ان کا معاملہ سنجیدہ نوعیت کا نہیں ہے ۔ انہیں بیساکھیوں کے سہارے پائوں کے معائنے کیلئے ہسپتال لے جایا گیا ، ان کے اگلے میچ میں شرکت کا دارومدار فٹنس پر ہوگا۔