برمنگھم (مانیٹرنگ ڈیسک)آئی سی سی چیمپئنز ٹرافی میں پاکستانی ٹیم کے دو مین فاسٹ باؤلرز محمد عامر اور وہاب ریاض بھارت کے خلاف میچ کے دوران انجری مسائل کا شکار ہو گئے۔ اتوار کو برمنگھم میں بھارت کے خلاف کھیلے گئے میچ میں بھارتی اننگز کے 44 ویں اوور کی پہلی گیند کرانے کے بعد عامر نے پنڈلی میں تکلیف کی شکایت کی ٗٹیم فزیو نے گراؤنڈ میں آ کر ان کا معائنہ کیا

تاہم وہ اوور مکمل نہ کرا سکے ٗان کی جگہ وہاب ریاض نے اوور مکمل کرایا، بعدازاں 46 ویں اوور کی پانچویں گیند کے بعد وہاب ریاض بھی گراؤنڈ میں لیٹ گئے، ٹیم فزیو نے معائنے کے بعد انہیں بھی فیلڈ چھوڑنے کا مشورہ دیا میڈیا رپورٹ کے مطابق محمد عامر پنڈلی اور وہاب ریاض ٹخنے کی انجری کا شکار ہوئے ہیں۔اوردونوں کھلاڑی بیٹنگ کےلئےبھی نہ آئے ۔

موضوعات:انجریز پاکستانی