ایجبسٹن (آئی این پی)چیمپئنز ٹرافی میں پاک بھارت میچ پر سیاہ بادل چھا گئے ہیں ، روایتی حریفوں کے درمیان سنسنی خیز مقابلہ دیکھنے کیلئے بے چین شائقین کے ارمانوں پر بارش پانی پھیر سکتی ہے۔تفصیلات کے مطابق چیمپئنز ٹرافی میں کل ہونے والے پاک بھارت میچ کے دوران بارش کے امکانات روشن ہیں ، محکمہ موسمیات کے مطابق بارش ہونے کے

70 فیصد سے زائد امکانات ہیں۔ اس سے قبل گزشتہ روز ہونے والا نیوزی لینڈ اور آسٹریلیا کے درمیان میچ بھی بارش کی نظر ہوگیا جس پر دونوں ٹیموں کو ایک ایک پوائنٹ دیدیا گیا۔اس سے قبل پاکستان کا آسٹریلیا کے ساتھ پریکٹس میچ بھی بارش کی نذر رہا تھا ، ٹیم انتظامیہ نے موسم کی صورتحال کو دیکھتے ہوئے تاحال پلیئنگ الیون تشکیل دینے سے گریز کیا ہے۔