لندن(این این آئی)چیمپئنزٹرافی میں پاکستان اوربھارت کے درمیان میچ کے دور ان بارش سے متاثرہونے کااندیشہ ہے۔ اتوار کو برمنگھم میں بارش کی پیش گوئی کی گئی ہے جو میچ پرمکمل یاجزوی طور پراثرانداز ہوسکتاہے۔ تفصیلات کے مطابق اتوار کو برمنگھم میں چیمپئنزٹرافی میچ میں پاکستان اور بھارت آمنے سامنے ہوں گے۔ میچ کے ٹکٹ کئی ماہ قبل فروخت ہوچکے ہیں،
میچ میں شائقین کی بے پناہ دلچسپی کے پیش نظر ای سی بی نے ایجبسٹن گراؤنڈ کے قریب اوربرمنگھم شہر میں تین بڑی اسکرین پر میچ دکھانے کے انتظامات کئے ۔دوسری جانب اتوارکوبرمنگھم میں بارش کی پیش گوئی نے حکام کی نیندیں اڑا دیں۔ ایجبسٹن میں نکاسی کے جدید ترین نظام کی موجودگی میں بارش کے رکنے کی صورت میں میچ جلد شروع ہوسکتا ہے۔
