ایجبیسٹن( آن لائن ) چیمپئنز ٹرافی میں پاک بھارت میچ سے قبل بھارتی ٹیم بھی بھرپور پریکٹس میں مصروف ہے لیکن انڈین ٹیم کا شکوہ ہے کہ انہیں ٹریننگ کیلئے پاکستان کی طرح بڑی گراؤنڈ نہیں دی گئی۔ اس حوالے سے بھارتی کپتان ویرات کوہلی نے آئی سی سی حکام سے بات بھی کی لیکن حکام کی جانب سے انہیں بتایا گیا کہ مین گراؤنڈ میں آسٹریلیا کی ٹیم پریکٹس کر رہی ہے۔ جس کے بعد بھارتی ٹیم نے اسی گراؤنڈ میں پریکٹس شروع کی۔ بھارتی آل راؤنڈر یوراج سنگھ نے بھی پریکٹس سیشن میں حصہ لیا اور جم کر پریکٹس کی۔ پاک بھارت ٹاکرا 4 جون کو ہو گا۔