دبئی(آئی این پی) پاکستان کو چیمپئنز ٹرافی میں ورلڈ کپ میں رسائی یقینی بنانے کا چیلنج درپیش ہے۔ون ڈے رینکنگ میں پوزیشن بہتر بنانے کیلئے ہرمیچ میں پوری جان لڑانا ہوگی، بدستور آٹھویں نمبر پر موجود گرین شرٹس کے پوائنٹس کی تعداد 88 ہے، وہ اس وقت ساتویں نمبر پر موجود سری لنکا اور چھٹی پوزیشن کی حامل بنگلا دیش ٹیم سے 5 پوائنٹس پیچھے ہیں۔آئی لینڈرز اور بنگال ٹائیگرز دونوں کے ہی 93، 93 پوائنٹس ہیں

اب یہ چیمپئنز ٹرافی میں کھیلے جانیوالے میچز کے نتائج پر منحصر ہے کہ کیا ہوتاہے۔ پاکستان، سری لنکا اور بنگلہ دیش میں سے جن دو ٹیموں نے بہتر کارکردگی دکھائی ان کی براہ راست رسائی یقینی ہوجائے گی جبکہ تیسری ٹیم کو مشکلات کا سامناکرنا پڑے گا۔ پاکستان کو ورلڈ کپ 2019 میں براہ راست جگہ پانے کیلیے بہتر پرفارم کرتے ہوئے رینکنگ میں پوزیشن کو اچھا بنانا ہوگا۔