لاہور( این این آئی)پاکستان کرکٹ بورڈ کی طرف سے سیریز منسوخ کرنے پر بنگلہ دیش کرکٹ بورڈ ناراض ہو گیا ۔ پاکستان کرکٹ بورڈ کے ایک عہدیدار نے نجی ٹی وی سے گفتگو میں کہا کہ پی سی بی سیریز کے لئے بنگلہ دیش سے کسی طرح کی کوئی بات چیت نہیں کر رہا۔جولائی یا اگست میں بنگلہ دیش کا دورہ نہیں ہوگا بلکہ قومی کرکٹ ٹیم کا ایبٹ آباد میں بوٹ کیمپ

لگایا جائے گا ۔دوسری طرف بنگلہ دیش کرکٹ بورڈ سیریز منسوخ کرنے پر پاکستان کرکٹ بورڈ سے ناراض ہو گیا ہے ۔ بنگالی کرکٹ بورڈ کے سربراہ ناظم الحسن نے کہا ہے کہ پاکستان کے دورے میں کوئی دلچسپی نہیں۔قومی کرکٹ ٹیم کو پاکستان بھیجنے کا ہرگز سوال ہی پیدا نہیں ہوتا ۔ ہائی پرفارمنس یا انڈر 19ٹیم پاکستان جا سکتی تھیں لیکن اب ایسا بھی ممکن نہیں ۔