لاہور(آئی این پی) کھیلوں اور ٹیموں کی مقبولیت اور منافع کا جائزہ لینے والی معروف امریکی کمپنی نیلسن سپورٹس نے پشاور زلمی فرنچائز کو مقبولیت اور کارکردگی کے اعتبار سے پی ایس ایل کی نمبر ون فرنچائز قرار دیدیا ہے۔ لاہور میں پاکستان سپر لیگ اور پاکستان کرکٹ بورڈ کی جانب سے پی ایس ایل سیزن ٹو کے ریویو کے حوالے سے ورکشاپ میں نیلسن سپورٹس کے مینجنگ ڈائریکٹر برائے ساؤتھ ایسٹ ایشیا
مسٹر کلاؤڈ رنگوٹ نے بتایا کہ پشاور زلمی نے اپنی کارکردگی، میڈیا، سوشل میڈیا پر فینز، عوام کے ساتھ بہترین تعلق اور برانڈ ویلیو کے حوالے سے متاثر کن کارکردگی پیش کی اور پاکستان سپر لیگ کی مقبول اور بہترین فرنچائز بننے کا اعزاز حاصل کیا ہے۔اس موقع پر پشاور زلمی کے چیئرمین جاوید آفریدی نے کہا کہ وہ پشاور زلمی کی ٹیم کھلاڑیوں اور تمام فینز کا شکریہ ادا کرتے ہیں، پشاور زلمی کو بہترین فرنچائز بننے کا اعزاز حاصل ہوا
