لاہور(مانیٹرنگ ڈیسک) نیشنل کرکٹ اکیڈمی میں عمرامین، آصف ذاکراور حارث سہیل کے فٹنس ٹیسٹ لئے گئے جس میں حارث سہیل کو انگلینڈ میں ہونے والی چیمپینزٹرافی کےلئے منتخب کرلیاگیاہے۔نجی ٹی وی کے مطابق عمراکمل کی فٹنس پر ٹیم انتظامیہ کوتحفظات تھے۔ ٹیم انتظامیہ نےعمراکمل کووطن واپس بھیجوانےکافیصلہ کرلیا ہے

جبکہ اب ان کی جگہ حارث سہیل کو برطانیہ بھیجاجارہاہے۔ حارث سہیل نے آخری بار2015 میں لاہورمیں زمبابوے کےخلاف پاکستان کی نمائندگی کی تھی اورحارث سہیل اس سیریز کےبعد وہ فٹنس مسائل کی وجہ سے قومی ٹیم سے باہرہوگئے تھے۔پی سی بی کے چیرمین شہریارخان نے کہاہے کہ عمراکمل فٹنس ٹیسٹ میں دوبارہ فیل ہوگئے تھے ۔

موضوعات:حارث سہیل عمراکمل