برمنگھم(آئی این پی) آئی سی سی چیمپئنز ٹرافی کیلئے پیس بیٹری مضبوط کرنے کیلئے محمد عباس کو کیمپ میں طلب کرلیا گیا ہے۔پاکستان کرکٹ ٹیم مینجمنٹ نے آئی سی سی چیمپئنز ٹرافی کیلئے پیس بیٹری مضبوط کرنے کیلئے محمد عباس کو کیمپ میں طلب کرلیا ہے۔ پیسرانگلینڈ میں ہی موجود ہیں اورہفتہ کو کیمپ جوائن کر لیں گے،گرین شرٹس کا پہلا ٹاکرا 4 جون کو روایتی حریف بھارت سے برمنگھم میں ہی شیڈول ہے۔

محمد عباس نے ویسٹ انڈیز کے خلاف ٹیسٹ سیریز میں اچھی کارکردگی کا مظاہرہ کیا تھا اور اب ان کو انگلش کنڈیشنز کیلئے موزوں سمجھتے ہوئے کیمپ میں طلب کیا گیا ہے۔واضح رہے کہ قومی اسکواڈ برمنگھم میں موجود ہے اور کنڈیشنز سے آگاہی کیلئے تربیت میں مصروف ہے۔ میگا ایونٹ میں گرین شرٹس کا پہلا ٹاکرا 4 جون کو روایتی حریف بھارت سے برمنگھم میں ہی شیڈول ہے۔

موضوعات:چیمپئنز ٹرافی محمد عباس