ایجبسٹن(آئی این پی) چیمپئنز ٹرافی سے قبل فینز ٹی ٹوئنٹی ٹرافی میں بھارت نے پاکستان کو سپر اوور میں شکست دے دی۔چیمپئنز ٹرافی سے قبل فینز ٹی ٹوئنٹی ٹرافی میں بھارت نے پاکستان کو سپر اوور میں شکست دے دی جس کے بعد دونوں ٹیموں نے آئی سی سی چیمپئنز ٹرافیز کے ساتھ تصاویر بھی بنوائیں۔ میچ کے بعد سوشل میڈیا پر پاکستانی اور بھارتی مداحوں میں دلچسپ نوک جھونک ہوتی رہی۔

بھارتی مداح موقع موقع لکھ کر پاکستانی مداحوں کو چڑاتے رہے جس پر ایک جذباتی پاکستانی مداح نے لکھا کہ پاکستان نے بھارت کو اس کی سرزمین پر ہرایا ہے، کچھ یاد آیا کہ نہیں۔واضح رہے کہ آئی سی سی چیمپئنز ٹرافی یکم جون سے انگلینڈ میں شیڈول ہے، پاک بھارت ٹاکرا 4 جون کو ایجبسٹن میں ہو گا۔ روایتی حریفوں کے درمیان مقابلہ میں لوکل کمیونٹی بہت دلچسپی لے رہی ہے۔