اسلام آباد(این این آئی)آزادکشمیر کے سابق وزیر اعظم اور مسلم کانفرنس کے صدر سردا ر عتیق احمد خان نے کہا ہے کہ پی ایس ایل میں کشمیر کی ٹیم کو شامل کیا جانا چاہیے پی ایس ایل میں چاروں صوبوں اور وفاق کی نمائندگی موجود ہے اگر پی ایس ایل میں کشمیر کی ٹیم کو بھی شامل کر لیا جائے تو پاکستان سپر لیگ کو پوری دنیا میں پذیرائی ملے گی۔ سردار عتیق احمد خان نے یہ بات دبئی زلمی کے کوچ نیئر شہزاد عباسی سے ملاقات کے دوران کہی۔
نیئر شہزاد عباسی نے سردار عتیق احمد خان سے مجاہد منزل راولپنڈی میںملاقات کی۔ ملاقات کے دوران نیئر شہزاد عباسی نے سردار عتیق احمد خان کے پی ایس ایل میں کشمیر کی ٹیم کو شامل کرنے اور اس سلسلے میں پی سی بی اور نجم سیٹھی سے بات چیت کے حوالے سے بریف کیا۔ سردار عتیق احمد خان کا کہنا تھا کہ پی ایس ایل میں کشمیر کی ٹیم ضرور شامل ہونی چاہیے اور پی ایل میں کشمیر کی ٹیم شامل کرنے کے حوالے سے وہ پی ایس ایل کے چئیرمین نجم سیٹھی اور پاکستان کرکٹ بورڈ کے چئیرمین شہریار خان سے جلد بات چیت کریں گے۔ ان کا کہنا تھا کہ پاکستان کرکٹ بورڈ کو کشمیر کی ٹیم کو شامل کرنے سے پوری دنیا میں مثبت پیغام جائے گا۔ اس وقت دنیا بھر میں مقیم کشمیری یہ چاہتے ہیں کہ جس طرح پی ایس ایل میں چاروں صوبوں اور وفاق کی ٹیم کھیل رہی ہے اسی طرح کشمیر کی ٹیم بھی شامل کی جائے۔ سردار عتیق احمد خان کا کہنا تھا آزادکشمیر سمیت دنیا میں جہاں بھی کشمیری موجود ہیں کرکٹ کو بے حد پسند کرتے ہیں۔ کرکٹ وہ کھیل ہے جو دلوں کو جوڑتا ہے اور
کشمیری عوام ہمیشہ سے کشمیر بنے گا پاکستان کا نارا لگاتے آئے ہیں اس اقدام سے کشمیر کا پاکستان کے ساتھ رشتہ اور مضبوط ہو گا۔ سردار عتیق احمد خان نے دبئی زلمی کے کوچ نیئر شہزاد عباسی کی کرکٹ کے فروغ کے لئے کاوشوں کو سراہا اور ان کی کوچنگ میں دبئی زلمی کی ٹیم کی کامیابی پر انھیں مبارک باد بھی پیش کی۔
۔۔۔۔۔۔۔۔
