نئی دہلی (مانیٹرنگ ڈیسک) سابق برطانوی کپتان اورکمنٹیٹرکیون پیٹرسن بھارت میں آئی پی ایل میں شرکت کے دوران سنگل انٹری ویزاجاری ہونے کی وجہ سے پریشانی کاشکارہیں ۔ایک نجی ٹی وی کے مطابق برطانوی کپتان نے آئی پی ایل میں توشرکت سے انکارکردیاتھاکیونکہ ان کی فیملی نے کیون پیٹرسن کوبھارت جانے سے روک دیاتھالیکن وہ آئی پی ایل میں کمنٹری کےلئے بھارت آئے لیکن سنگل انٹری ویزاہونے کی وجہ سے اب
مشکلات کاشکارہیں ۔آئی پی ایل میں شرکت کےلئے کیون پیٹرسن نے برطانیہ میں بھارتی ہائی کمیشن کوبھارت کےلئے ملٹی پل ویزاجاری کرنے کی درخواست دی تھی لیکن ان کوسنگل انٹری ویزاجاری ہواجس کی وجہ سے وہ بھار ت توآگئے لیکن بھارت سے باہرنکلناان کے اب مشکل ہوگیا ۔کیون پیٹرسن کواپنی اس پریشانی کااس وقت پتہ چلاجب وہ آئی پی ایل کے پہلے ہفتے ہی اپنی کمنٹری کرنے کامعاہدہ ختم ہونے پرواپس وطن جانے لگے توان کوجانے سے روک دیاگیا۔سابق برطانوی کپتان نے اپنے سنگل انٹری ویزے کے حوالے سے سوشل میڈیا پر اعلان بھی کیا لیکن جب انہیں پتہ چلا کہ ان کے پاسپورٹ پر تو سنگل اینٹری ویزا لگا ہے، تو وہ اور پریشان ہو گئے اور سوشل میڈیا پرمدد کی اپیل کر دی ۔ٹوئیٹرپراپنے پیغام میں کیون پیڑسن نے کہاکہ میں نےتوبرطانیہ میں بھارتی ہائی کمیشن کو ملٹی پل ویزے کی درخواست دی لیکن سنگل انٹری ویزاجاری کیااوراس ویزے کی وجہ سے میں وطن واپس نہیں جاسکتا اس لئے میری مددکروکیونکہ اس میں میراکوئی قصورنہیں ہے ۔کیون پیٹرسن نے کہاکہ میں نے توملٹی پل ویزے کےلئے فیس بھی جمع کرائی لیکن مجھے سنگل انٹری ویزاجاری کیاگیاجوکہ میرے ساتھ زیادتی ہے اورمجھے اس وقت جومشکلات درپیش ہیں وہ میں ہی جانتاہوں ۔انہوں نے اس سلسلے میں آئی پی ایل انتظامیہ سے بھی بات کی ہے کہ ان کوبھارت سے برطانیہ جانے کےلئے اجازت دلوائی جائے
