اسلام آباد (مانیٹرنگ ڈیسک )دنیا کے خوبصورت ترین کرکٹ گرائونڈ کی تصاویر انٹرنیٹ پر وائرل ہوتے ہی لوگ حیران ہو گئے کیونکہ یہ کرکٹ گرائونڈ پاکستان کی آزاد ریاست جموں و کشمیر کے ضلع باغ میں واقع ہے۔ گرائونڈ کی تصاویر سینئر صحافی و معروف اینکر پرسن اور وزیر اطلاعات و سیاحت مشتاق منہاس نے سماجی رابطوں کی ویب سائٹ ٹویٹر پر شیئر کی ہیں۔
تصاویر دیکھ کر پی ایس ایل کی فاتح پشاور زلمی کے مالک جاوید آفریدی سے بھی نہ رہا گیا اور اسے کرکٹ کی جنت قرار دے دیاسوشل میڈ یا صارفین کی بڑی تعداد تصاویر دیکھ کر دم بخود ہو چکی ہے اور ٹویٹر پر باغ کرکٹ گرائونڈ کی خوبصورتی کی تعرفیں کررہے ہیں جبکہ سوشل میڈیا صارفین کی ایک بڑی تعداد نے مطالبہ کیا ہے کہ باغ کرکٹ گرائونڈ میں انٹر نیشنل میچز کا انعقاد کرایا جائے۔
