کراچی (آن لائن)قومی ٹیم کے سابق کپتان یونس خان نے انٹر نیشنل کرکٹ سے ریٹائر منٹ کا اعلان کرتے ہوئے کہا کہ اگر دوبارہ کرکٹ میں واپس آیا تو میرانام یوٹرن خان پڑ جائے گا۔ کراچی میں پریس کانفرنس کے دوران ویسٹ انڈیز کیخلاف سیریز کے بعد انٹر نیشنل کرکٹ سے ریٹائر منٹ کااعلان کرتے ہوئے یونس خان کا کہنا تھا کہ آج میں جو کچھ بھی ہوں اپنی فیملی کی وجہ سے ہوں اور جتنی بھی کرکٹ کھیلی وہ پاکستان کیلئے کھیلی ہے اور ہمیشہ یہی کوشش کی ہے کہ

پاکستان کی اتنی خدمت کروں جتنی ایک کھلاڑی کو کرنی چاہئے۔ریٹائرمنٹ کے اعلان کا مطلب یہ نہیں کہ میں کہیں جا رہا ہوں، میں یہیں پر اور آپ کے ساتھ ہوں اور آپ کے پاس ہی رہوں گا اور جب بھی مجھے آپ کی ضرورت پڑے گی تو آپ میرا ساتھ دیں گے۔ان کا کہنا تھا کہ بہت سے لوگوں کی فون کالز موصول ہو رہی تھیں اور پیغامات آ رہے تھے کہ آپ ریٹائرمنٹ سے متعلق اعلان مت کریں مگر ہر کھلاڑی کی زندگی میں ایسا وقت آتا ہے کہ اسے یہ فیصلہ لینا پڑتا ہے۔

موضوعات:یونس خان