سری نگر(نیوزڈیسک)مقبوضہ کشمیر کے نوجوانوں کی پاکستان سےمحبت قابض بھارت کوپسندنہ آئی ۔تفصیلات کے مطابق گزشتہ دنوں سوشل میڈیا پر مقبوضہ کشمیر کے نوجوان کرکٹرز کی ایک ویڈیو وائرل ہوئی جس میں وہ میچ شروع ہونے سے قبل سینے پر ہاتھ رکھ کرپاکستان کے قومی ترانے کے احترام میں کھڑے ہیں بلکہ ان کشمیر نوجوانوں نے پاکستان کرکٹ ٹیم کی گرین شرٹس بھی پہن رکھی تھیں جس نے قابض بھارتی حکومت کو
واضح پیغام دیا کہ وہ وادی پر بھارت کا قبضہ کسی صورت برداشت نہیں کریں گے۔یہ ویڈیوسوشل میڈیاپروائرل ہونے کے بعد پولیس نے گرین شرٹس پہننے والے تمام نوجوانوں کو گرفتار کرتے ہوئے سینٹرل کشمیر پولیس سٹیشن میں بندکردیا۔ان کشمیری نوجوان کی گرفتاری کے بعد مقبوضہ کشمیرکے ڈپٹی انسپکٹرآئی نے کہاہے کہ ان نوجوانوں سے تحقیقات کی جارہی ہیں کہ انہوں نے پاکستانی قومی ٹیم کی شرٹس کس کے کہنے پرپہنی ہیں
