گیانا (آئی این پی)پاکستان اور ویسٹ انڈیز کے مابین 3ایک روزہ میچوں کی سیریز کا پہلا میچ (آج)جمعہ کو گیانا میں کھیلا جائیگا، میچ پاکستانی وقت کے مطابق شام ساڑھے چھ بجے شروع ہو گا،دونوں ٹیموں کوورلڈ کپ2019میں رسائی کیلئے سیریز میں فتح کا چیلنج درپیش ہوگا،

دونوں ٹیمیں اب تک 16 سیریز کھیل چکی ہیں، 9 میں گرین شرٹس اور6 سیریز میں ویسٹ انڈیز نے جیتیں جبکہ ایک سیریز برابری پر ختم ہوئی۔تفصیلات کے مطابق پاکستان اور ویسٹ انڈیز کے مابین پہلا ون ڈے (آج)جمعہ کو گیانا میں کھیلا جائیگا۔ ون ڈے سیریز سے قبل دونوں ٹیمیں گیانا پہنچ چکی ہیں جہاں دونوں ٹیموں نے سخت پریکٹس کی کمنٹیٹر رمیز راجہ نے بابر اعظم کو بیٹنگ کے گر سکھائے۔ ٹی ٹوینٹی سیریز میں آرام کرنے والے محمد عامر ون ڈے میچز میں ان ایکشن ہوں گے۔ دونوں ٹیمیں اب تک سولہ سیریز کھیل چکی ہیں، 9 میں گرین شرٹس فاتح رہے اور چھ سیریز میں فتح نے ویسٹ انڈیز کے قدم چومے جبکہ ایک سیریز برابری پر ختم ہوئی۔اسی طرح دونوں ٹیموں کے مابین ابھی تک131ون ڈے میچز کھیلے جا چکے ہیں جس میں پاکستان نے 58جیتے جبکہ70میں شکست ہوئی اور3میچز بغیر کسی نتیجے ختم ہوئے۔معروف کرکٹ ویب سائٹ کے مطابق پاکستان کی جانب سے میدان میں اترنے والے گیارہ کھلاڑیوں کی ٹیم پاکستان کی ون ڈے کرکٹ کی ایک نئی ٹیم ثابت ہوگی جس میں کافی زیادہ تبدیلیاں کی گئی ہیں ، میدان میں اترنے والے کھلاڑی یہ ہونگے، احمد شہزاد،کامران اکمل،بابر اعظم،فخر زمان،شعیب ملک، سرفراز احمد(وکٹ کیپر، کپتان) عماد وسیم، شاداب خان، محمد عامر، حسن علی،وہاب ریاض۔